|
|
 |
२५ व्यक्तिसहित जियाङसु प्रान्तमा परीक्षण सञ्चालनमा रहेको उक्त डुङ्गा बिहीबार अपरान्ह डुबेको ४० घण्टापछि शनिबार बाहिर निकालिएको थियो । डुङ्गामा रहेका ८ व्यक्ति विदेशी नागरिक हुन् ।
उक्त डुङ्गाका तीन व्यक्तिलाई उद्धार गरिएको सिन्ह्वाले उल्लेख गरेको छ । एक अर्का व्यक्ति अझै हराइरहेका छन् । उक्त डुङ्गामा रहेका सबै पुरुष भएको बताइएको छ । उद्धारकर्मीहरूले हालै बनेको उक्त डुङ्गाको चालकस्थल अझै खोजिरहेको छ । उनीहरूले हराएका व्यक्तिको पनि खोजी गरिरहेका छन् ।
सिङ्गापुरका विदेश मन्त्रालयका प्रवक्ताले शुक्रबार उक्त जहाज आफ्नो नगर राज्यमा दर्ता भएको र उसका चार नागरिक डुङ्गामा रहेको जानकारी दिए । साङ्घाइमा रहेका जापानी तथा भारतीय वाणिज्यदूतावासले आफ्ना एक नागरिक पनि उक्त डुङ्गामा रहेको जानकारी दिएका छन् ।
स्थानीय अधिकारीहरूले उक्त डुङ्गामा मलेसिया तथा इन्डोनेसियाका एक/एक नागरिक भएको जानकारी दिए भनी उद्धरण गरेको छ । उक्त डुङ्गाबाट बाँच्न सफल वाङ झेनकाइले अस्पतालबाट सरकारी टेलिभिजनलाई उक्त डुङ्गामा २० सेकेन्डमै पानी भरिएको जानकारी दिए ।
उक्त डुङ्गा चीनमा बनेको समाचारमा उल्लेख गरिएको छ । दुर्घटना जिङजियाङ तथा झाङजियागाङ नगरको बीचमा भएको बताइएको छ । प्रान्तीय सरकारले उक्त डुङ्गा राम्रोसँग तयार नभइकन तथा त्यसको अवस्थाका विषयमा जानकारी नदिइकन परीक्षण गरिएको आरोप लगाएको छ । एजेन्सी
|
Post a Comment